إيه اللي موجود في صفحة تفاصيل الطلب؟

صفحة تفاصيل الطلب فيها كل حاجة محتاجها عشان تنفّذ الطلب: المنتجات، بيانات العميل والعنوان، الدفع، والأزرار اللي بتغيّر الحالة وبتطبع الفاتورة. بتفتحها من «الطلبات» بالضغط على رقم الطلب أو أيقونة العين.

رأس الصفحة

• رقم الطلب وجنبه زر نسخ، وتحته تاريخ ووقت الطلب وعدد المنتجات والقطع.
• شارة الدفع: «مدفوع» أو «غير مدفوع» أو «مسترد».
• شارة حالة الطلب، وزر «تغيير الحالة» اللي بتنقل بيه الطلب لمرحلة تانية (بيختفي لو الطلب في حالة نهائية).
• تحتهم شريط بيعرض مراحل الطلب من «تم الإنشاء» لحد التسليم، والمرحلة الحالية متعلّم عليها.

«منتجات الطلب»

جدول بكل منتج: الصورة، الاسم (والاختيارات زي المقاس أو اللون)، سعر الوحدة، الكمية، والإجمالي. تحته ملخص المبالغ: الإجمالي الفرعي، الخصم، الشحن، والإجمالي. لو اتعمل استرداد للطلب هتلاقي شريط يوضح المبلغ «مسترد» أو «استرداد كامل».

بطاقة «التسليم»

فيها اسم العميل وتليفونه (وجنبه زر «تواصل عبر واتساب»)، والإيميل، ومنطقة الشحن، والعنوان بالتفصيل، و«ملاحظة من العميل» لو كتب ملاحظة وهو بيطلب.

تعديل عنوان التوصيل

بطاقة «الإجراءات»

• «تسجيل الدفع»: بيظهر لو الطلب لسه مش مدفوع (ما عدا طلبات Paymob وKashier، دي بتتأكد من البوابة بس). بتسجّل بيه إنك استلمت المبلغ — التفاصيل في المقال ده. بعد الدفع بيتحوّل لـ«تم استلام الدفع».
• «طباعة الفاتورة»: بيفتح صفحة الطباعة في تاب جديد.
• «إرسال الـ PDF على واتساب»: بيفتح واتساب برسالة جاهزة فيها رابط فاتورة الطلب للعميل. لو مفيش رقم موبايل هتلاقي «لا يوجد رقم موبايل للعميل». الطريقتين في مقال الطباعة.

بطاقة «الدفع والمصدر»

بتقولك الطلب جه منين وطريقة الدفع اللي اختارها العميل. وفي حالة الدفع الإلكتروني بيظهر «رقم العملية» ورقم الطلب عند بوابة الدفع.

«سجل النشاط»

تاريخ كامل لكل اللي حصل على الطلب: الإنشاء، كل تغيير في الحالة، تسجيل الدفع، تعديل العنوان، والاسترداد — بالوقت واسم اللي عمله. مفيد جدًا لو فيه أكتر من حد في الفريق بيشتغل على الطلبات.