إزاي أشوف السلات المتروكة وأفكّر العميل يكمّل طلبه؟
صفحة «السلات المتروكة» بتعرض السلات اللي أصحابها سابوها من غير ما يطلبوا، وتقدر تبعت للعميل المسجّل تذكير على واتساب برسالة جاهزة.
ساعات العميل بيحط منتجات في السلة وبعدين يمشي من غير ما يكمّل. صفحة «السلات المتروكة» بتوريك السلات دي وقيمتها، وبتساعدك تفكّر العملاء المسجّلين يرجعوا يكمّلوا.
قبل ما تبدأ
- الصفحة موجودة في القائمة الجانبية تحت «النمو والتسويق» ← «السلات المتروكة». لو مش ظاهرة، يبقى باقتك مش شاملة الميزة دي.
- الموظفين محتاجين صلاحية عرض العملاء عشان يشوفوها.
إزاي السلة بتتحسب «متروكة»؟
السلة بتظهر هنا لو صاحبها ما لمسهاش لمدة معينة. المدة دي بتختارها من «عتبة الخمول»: من «٣٠ دقيقة» لحد «٢٤ ساعة». الصفحة بتعرض كمان «إجمالي قيمة السلات»، وتقدر تفلتر بين «عميل مسجل» و«زائر».
تذكير العميل على واتساب
- افتح السلة اللي عايزها وشوف المنتجات اللي فيها.
- اضغط «تذكير عبر واتساب».
- واتساب هيفتح على رقم العميل برسالة جاهزة فيها اسم متجرك، والمنتجات اللي في سلته، ورابط متجرك.
- عدّل الرسالة لو حابب (مثلًا ضيف كود خصم) واضغط إرسال.
ملاحظة: التذكير بيشتغل بس للعميل اللي عنده حساب في متجرك ومسجّل رقم موبايل. سلات الزوار مالهاش أي بيانات تواصل. ومفيش تذكير تلقائي — التذكير دايمًا بإيدك.
حذف السلات
- «حذف السلة» بيمسح سلة واحدة.
- «حذف الكل» بيمسح كل السلات اللي عدّت «عتبة الخمول» المختارة.
انتبه: حذف السلة بيفضّي سلة العميل فعلًا في متجرك، فلو رجع مش هيلاقي منتجاته. احذف بس السلات القديمة اللي مش هتتابعها.
هل المقال ساعدك؟