إزاي تفتح متجر إلكتروني في السودان على المتاجر؟
التسجيل برقم سوداني، البيع بالجنيه السوداني أو الدولار، الدفع عند الاستلام، والتوصيل بمناطقك.
في هذا المقال
الإجابة المختصرة: أيوه، تقدر تفتح متجرك من السودان. سجّل واختار «السودان» كدولة متجرك وسجّل برقمك السوداني. متجرك هيبيع بالجنيه السوداني أو بالدولار، وعملاءك هيدفعوا عند الاستلام، والتوصيل بتحدده انت. وأول ١٤ يوم ببلاش.
التسجيل
- افتح صفحة التسجيل واكتب اسمك وإيميلك وكلمة السر.
- في خطوة بيانات المتجر اختار «السودان» من «دولة متجرك».
- اكتب رقم موبايلك السوداني (+249)، تسع أرقام زي 912345678.
- أكّد الإيميل بالكود اللي هيوصلك، وبعدها أكّد رقمك بكود على واتساب.
عملة متجرك
متجرك بيبدأ بالجنيه السوداني. لو حابب تبيع بالدولار، غيّرها من «إعدادات المتجر» ← «العملة والطلبات» ← «عملة المتجر». الأسعار مش بتتحوّل لوحدها، فلو غيّرت العملة راجع أسعار منتجاتك. التفاصيل في إعدادات العملة والطلبات.
الدفع والتوصيل
- الدفع: عملاءك بيدفعوا عند الاستلام بس. بوابات الدفع الإلكتروني والتحويلات مربوطة بحسابات مصرية، فمش بتظهر لمتاجر السودان. اقرا إزاي تشغّل الدفع عند الاستلام.
- التوصيل: انت اللي بتوصّل. حدّد مناطقك ورسوم كل منطقة من «الشحن والتوصيل» ← «التوصيل المحلي». شركات الشحن المربوطة (زي Bosta) شغالة جوه مصر بس، فمش بتظهر لمتاجر السودان.
الاشتراك
أول ١٤ يوم تجربة ببلاش ومن غير بطاقة. بعدها الاشتراك بالجنيه السوداني: النمو 75,000 والمتقدمة 110,000 والاحترافية 185,000 ج.س في الشهر، والسنوي بسعر ١٠ شهور. عشان تدفع، كلّم فريق المتاجر وهيبعتلك بيانات التحويل.
ملاحظة: توقيت متجرك هو توقيت الخرطوم، وكل الطلبات والتقارير بتتحسب بيه.
هل المقال ساعدك؟