هل إيميل الدومين هيقف لو غيّرت الـ Nameservers؟
لأ، لو مشيت بالترتيب الصح: احفظ الدومين الأول، واستنى لحد ما الصفحة تقول إن بريدك اتنقل، وبعدين غيّر الـ Nameservers.
في هذا المقال
لما تغيّر الـ Nameservers للمنصة، إعدادات الدومين كلها (DNS) بتبقى عندنا، ومنها إعدادات الإيميل. عشان كده، لو بتستخدم إيميل على الدومين (زي [email protected] على Google Workspace أو Microsoft 365 أو Zoho Mail)، المنصة بتقرا إعدادات بريدك وتحفظها وتعيد بناءها عندنا قبل ما تغيّر حاجة، عشان بريدك يفضل شغّال.
الترتيب الصح
- في صفحة «ربط دومين مخصص» اكتب الدومين واضغط «حفظ الدومين» قبل ما تلمس الـ Nameservers.
- بص على التنبيه اللي تحت قيم الـ Nameservers واستنى لحد ما يقول إن بريدك جاهز.
- بعدها بس غيّر الـ Nameservers عند شركة الدومين.
معنى التنبيهات
| التنبيه | معناه | تعمل إيه |
|---|---|---|
| «لو عندك إيميل على الدومين ده» | لسه ما حفظتش الدومين. | احفظ الدومين الأول. |
| «بريدك اتحفظ — جاري نقله» | قرينا إعدادات بريدك وبنعيد بناءها. | استنى، ما تغيّرش الـ Nameservers لسه. |
| «بريدك متنقل وجاهز» | إعدادات البريد اتبنت عندنا زي ما كانت واتأكدنا منها. | غيّر الـ Nameservers براحتك. |
| «مفيش بريد يتنقل» | الدومين مفيهوش خدمة بريد خارجية. | غيّر الـ Nameservers براحتك. |
| «وقّف — سجلات بريدك محتاجة مراجعة» | معرفناش نقرا أو ننقل إعدادات بريدك. | ما تغيّرش الـ Nameservers وكلّم الدعم الأول عشان نظبطها معاك. |
تحذير: لو غيّرت الـ Nameservers وإنت شايف «وقّف — سجلات بريدك محتاجة مراجعة»، إيميلات الدومين ممكن تقف عن الاستلام.
لو الصفحة طلبت سجلات DNS بدل Nameservers
في الطريقة دي إنت بتضيف سجل واحد بس على الدومين الرئيسي، وباقي إعدادات الدومين — ومنها الإيميل — بتفضل عند شركتك زي ما هي. متمسحش سجلات MX أو TXT الخاصة بالبريد.
لو شلت الدومين بعد كده
لو حذفت الدومين من «دوميناتي» وكنت مستخدم طريقة الـ Nameservers، رجّع الـ Nameservers الأصلية بتاعة شركة الدومين (أو شركة الإيميل) عشان الدومين والإيميل يرجعوا يشتغلوا من عندهم.
هل المقال ساعدك؟