إزاي أغيّر الدومين المربوط بمتجري أو أشيله؟
من «دوميناتي»: «تعديل» لتغيير الدومين، أو أيقونة الحذف لإزالته. في الحالتين متجرك بيرجع على رابط المنصة فورًا لحد ما الدومين الجديد يشتغل.
كل متجر ليه دومين خاص واحد. عشان كده بعد ما تضيف دومين، لو عايز دومين تاني لازم تغيّر الحالي أو تحذفه من «نطاقاتي».
تغيير الدومين لدومين تاني
- افتح «نطاقاتي».
- اضغط «تغيير» جنب الدومين.
- اكتب الدومين الجديد في خانة الدومين واضغط «تحديث الدومين».
- كرّر خطوات الربط للدومين الجديد عند شركة الدومين (الـ Nameservers أو السجل الظاهر في الصفحة).
مهم: أول ما تحفظ دومين جديد، الدومين القديم بيتفك فورًا ومتجرك بيرجع يشتغل على رابط المنصة (اسم-متجرك.elmatajer.com) لحد ما الدومين الجديد يبقى «نشط».
لو حفظت نفس الدومين تاني وهو مربوط أصلًا هتظهر رسالة «الدومين مربوط بالفعل — لا يوجد تغيير.» ومش هيحصل أي حاجة. ولو كان لسه بانتظار التحقق، الحفظ بيعيد تشغيل الفحص التلقائي من الأول — مفيد بعد ما تصلّح إعدادات الـ DNS.
حذف الدومين
- في «دوميناتي» اضغط أيقونة الحذف (سلة المهملات) جنب الدومين.
- هيظهر سؤال «حذف هذا الدومين نهائيًا؟». لو الدومين كان شغّال هتلاقي تحته إن متجرك هيرجع يشتغل على رابط المنصة فورًا.
- اضغط «نعم، احذف».
بعد الحذف تقدر تضيف دومين جديد على طول.
بعد الحذف: رجّع إعدادات الدومين عند شركتك
- لو كنت مستخدم طريقة الـ Nameservers: رجّع الـ Nameservers الأصلية بتاعة شركة الدومين أو الاستضافة، عشان الدومين والإيميل يشتغلوا من عندهم. شوف إيميل الدومين والـ Nameservers.
- لو كنت ضايف سجل CNAME أو A: امسحه أو وجّهه للمكان الجديد.
هل المقال ساعدك؟