إزاي أظهر الماركات اللي ببيعها في متجري؟
قائمة الماركات بيجهّزها فريق المنصة، وأنت بتفعّل اللي بتبيعه منها وتربطه بمنتجاتك.
في هذا المقال
لو بتبيع منتجات ماركات معروفة، تقدر تعرضها في متجرك. قائمة الماركات بيجهّزها ويديرها فريق المنصة، وأنت بتختار منها الماركات اللي بتبيعها بس.
تفعيل ماركة
- من القائمة الجانبية افتح «العلامات التجارية». هتفتح صفحة «الماركات والبراندات».
- دوّر على الماركة من خانة «ابحث باسم الماركة…».
- فعّل المفتاح اللي جنبها. حالتها هتتغير من «مخفي» لـ«مفعّل».
الرقم اللي فوق «ماركات مفعّلة في متجرك» بيوضح كام ماركة مفعّلة عندك من «إجمالي قائمة المنصة».
ربط الماركة بمنتج
- افتح المنتج (جديد أو «تعديل»).
- في كارت «التصنيف والعلامة» اضغط خانة «العلامات التجارية» واختار ماركة أو أكتر.
- انشر المنتج أو احفظ التغييرات.
لو القائمة في صفحة المنتج بتقول «لا توجد علامات تجارية مُفعّلة»، اضغط «فعّل العلامة التجارية» وفعّل الماركات الأول.
الماركات بتظهر فين في المتجر؟
- في شريط الماركات في الصفحة الرئيسية — حسب القالب اللي مستخدمه.
- في صفحة الماركات في متجرك، مع عدد المنتجات لكل ماركة.
- في صفحة المنتج نفسه، اسم الماركة المرتبطة بيه.
الماركة اللي بتقفلها بتختفي من متجرك على طول.
الماركة اللي بتبيعها مش موجودة؟
التجار مش بيقدروا يضيفوا ماركات جديدة بنفسهم. لو ماركة ناقصة، تواصل معانا وقول لنا اسمها.
مشاكل شائعة
- «حدث خطأ، حاول مرة أخرى.»: التفعيل ماتحفظش — جرّب تاني.
- «فشل الاتصال بالخادم.»: اتأكد من الإنترنت وحدّث الصفحة.
هل المقال ساعدك؟